Xəbərlər

Əhmədinejada həbsdəki köməkçisini ziyarət etməyə icazə verilmədi.

Gün.Az BBC-yə istinadən xəbər verir ki, İran prezidenti Mahmud Əhmədinejad keçən ay İran dini liderlərini təhqir etdiyi üçün həbs edilən köməkçisi və mətbuat sözçüsü Əli Əkbər Cavanfəkri ziyarət etmək istəyib.

Lakin İranın ədliyyə rəsmiləri ölkənin iqtisadi problemlərlə üzləşdiyi bir vaxtda bu ziyarətin uyğun olmadığını əsas gətirərək Əhmədinejada icazə verməyiblər.

Politoloqların fikrinə görə, bu hadisə səlahiyyət müddətinin bitməsinə 8 ay qalan Əhmədinejadın artıq siyasi nüfuzunun azaldığını göstərir.

Məlumat üçün bildirək ki, iranlıların əksəriyyəti hazırda ölkədə hökm sürən iqtisadi problemlərin Əhmədinejadın siyasi strategiyasından qaynaqlandığını düşünür.