Xəbərlər

ABŞ-da iliyin transplantasiyası əməliyyatını ilk dəfə həyata keçirən həkim Edvard Donnel Tomas dünyasını dəyişib.

Gün.Az RBK-ya istinadən xəbər verir ki, Tomasın ölümü barədə onun son illər işlədiyi Fred Hatçinson adına Onkoloji Elmi-Tədqiqat İnstitutu xəbər verib.

92 yaşlı alim ürək-damar sistemi xəstəliyindən vəfat edib.

E.Tomas tərəfindən ixtira olunan və ilk dəfə həyata keçirilən iliyin köçürülməsi prosesi leykemiyanın müalicəsi tarixində dönüş nöqtəsi idi. Bu üsulun hazırlanması sayəsində sağ qalan leykemiya xəstələri 0,7 faizdən 90 faizədək artdı.

1990-cu ildə E.Tomas tibb üzrə Nobel mükafatı laureatı olub.