Xəbərlər

Azərbaycanın futbol üzrə yeniyetmələrdən ibarət yığması (U-19) Xorvatiyada təlim-məşq toplanışında yoxlama matçı keçirib.

Gün.Az AFFA-nın saytına istinadən xəbər verir ki, yığmamız “Funtana” komandası ilə qarşılaşıb və 3:1 hesabı ilə qalib gəlib. Xorvatiya təmsilçisinin qapısından topları Ruslan Nəsirli, David Qarayev və Bayram Budaqov keçirib.

Hazırda Azərbaycan yığması oktyabrın 26-dan 31-dək Xorvatiyada keçiriləcək Avropa çempionatının təsnifat mərhələsinə hazırlaşır. Burada rəqiblərimiz Xorvatiya, Gürcüstan və İslandiya yığmaları olacaq.