Xəbərlər

Nyu-Yorkda iri Regional Federal Ehtiyat Bankında terror aktına cəhdin qarşısı alınıb.

ERtv.Az RBK-ya istinadən xəbər verir ki, bu barədə anonim mənbələrə istinadən NBC telekanalı məlumat yayıb.

Məlumata görə, Federal Təhqiqatlar Bürosunun (FTB) casusları bankın Manhettandakı binasını partlatmaq istəyən terrorçunu həbs ediblər.

Saxlanılan şəxs 21 yaşlı Banqladeş vətəndaşı Kvazi Məhəmməd Rezvanul Əhsan Nafisdir. Onun köməkçiləri qismində isə FTB-nın casusları çıxış ediblər. Onlar içərisində butafor partlayıcı qurğusu olan avtomobili bank binası yanında saxlayıblar. K.Nafis partladıcı qurğunu işə salan məqamda həbs olunub.

Saxlanılan şəxsə qarşı artıq terrorçuluq maddəsi üzrə ittiham irəli sürülüb.