Xəbərlər

Venesuela hökuməti oktyabrın 17-də Paraqvay diplomatlarının ölkədən göndərilməsi barədə qərar qəbul edib.

ERtv.Az Lenta.Ru-ya istinadən xəbər verir ki, bu barədə “Associated Press” məlumat yayıb.

Paraqvayın Venesueladakı səfiri Viktor Kasartellinin sözlərinə görə, ona və onun üç həmkarına 3 gün ərzində Karakası tərk etmək göstərişi verilib.

Venesuela hakimiyyəti bu qərarı şərh etməyib. Viktor Kasartellinin bildirdiyinə görə, Venesuela hakimiyyətinin Paraqvaydakı öz səfirini geri çağırmasından sonra onlar Paraqvay hakimiyyətindən cavab reaksiyası gözləyirdilər. Lakin heç bir reaksiya gəlmədiyindən hökumət özü Paraqvay nümayəndələrinin ölkədən göndərilməsi barədə qərar qəbul etdi.