Xəbərlər

Ermənistandan Hələbə gedərkən Türkiyədə məcburi endirilən yük təyyarəsi yoxlamadan sonra yola düşüb.

ERtv.Az xəbər vermişdi ki, bir neçə saat bundan öncə Ərzurumda məcburi endirilib və yoxlamalar aparılıb.

Məsələ ilə bağlı açıqlama verən Türkiyə baş nazirinin müavini Bülənt Arınçtəyyarədə insani yardım olduğunu və yola davam etməsinə icazə verildiyini bildirib.

“Təyyarəni yoxlayıb göndərdik. Bu yoxlama işə nə qədər ciddi yanaşdığımızı göstərir” – deyə, B.Arınç qeyd edib.

Ermənistan tərəfdən açıqlama verən Arsen Avetisyan da təyyarənin yoxlama məqsədilə endirildiyini söyləyib.

Qeyd edək ki, keçən həftə Moskvadan Suriyanın Şam şəhərinə gedən sərnişin təyyarəsində icazəsiz olaraq yük daşınması ilə əlaqədar Türkiyəknin “F16” hərbi təyyarələri tərəfindən məcburi şəkildə “Əsənboğa Hava Limanı”na endirilmişdi.