Xəbərlər

Təhsil naziri Misir Mərdanov Bakıda keçirilən II Bakı Beynəlxalq Humanitar Forum çərçivəsində tədbirlərin təşkilinə görə, bir neçə dövlət ali məktəb rektorlarına təşəkkür elan edilməsi barədə əmr imzalayıb.

ERtv.Az xəbər verir ki, M.Mərdanovbununla bağlı əmr imzalayıb.

Əmrdə bildirilir ki, Azərbaycan Dövlət İqtisad Universitetinin rektoru, iqtisad elmləri doktoru, professor Şəmsəddin Hacıyev, Bakı Dövlət Universitetinin rektoru, AMEA-nın həqiqi üzvü Abel Məhərrəmov, Bakı Slavyan Universitetinin rektoru, AMEA-nın müxbir üzvü Kamal Abdulla, Azərbaycan Dillər Universitetinin beynəlxalq əlaqələr üzrə prorektoru, dosent Jalə Qəribova tədbirlərin təşkilində yaxından iştirak ediblər.

Onlar foruma dəvət olunan bir çox xarici qonaqları, o cümlədən xarici ölkələrin keçmiş prezidentləri, Nobel mükafatı laureatları ilə öz universitetlərində görüşlər keçiriblər, onlara fəxri adlar və Azərbaycanı təcəssüm etdirən qiymətli hədiyyələr veriblər.

M.Mərdanov həmin ali məktəb rəhbərlərinin II Bakı Beynəlxalq Humanitar Forumun yüksək səviyyədə keçirilməsində aktiv fəaliyyətlərini nəzərə alaraq Təhsil Nazirliyinin təşəkkürünün elan edilməsi barədə əmr imzalayıb.