Xəbərlər

Bakı, (ERtv). Oktyabrın 9-dan 11-dək paytaxtımızda I Bakı Beynəlxalq İdman Filmləri Festivalı keçiriləcək. 20-dək ölkənin təmsil olunacağı bu tədbirdə 50-dən çox bədii və sənədli film nümayiş olunacaq. Azərbaycanın Mədəniyyət və Turizm Nazirliyi ilə Gənclər və İdman Nazirliyinin birgə təşkilatçılığı ilə keçiriləcək festivalın münsiflər heyətində dünya kinematoqrafiya və idman aləmində böyük nüfuza malik simalar təmsil olunacaq.

Filmlər Nizami Kino Mərkəzinin zallarında nümayiş etdiriləcək. Festival iştirakçıları ən yüksək mükafat – “Qran-Pri” ilə yanaşı “İdman və cəmiyyət”, “İdman və şəxsiyyət” müsabiqə nominasiyalarında iştirak edəcək. Bundan başqa münsiflər heyətinin “Xüsusi mükafatı” da yekunda öz sahibini tapacaq.