Xəbərlər

Bakı, 24 sentyabr (ERtv). Gənclər və İdman Nazirliyinin, eləcə də Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyası birgə köməyi ilə “Həyatla oyun” adlı teatr tamaşası hazırlanıb. Bu layihə Azərbaycan prezidenti İlham Əliyevin sərəncamı ilə təsdiq edilən “Azərbaycan gəncliyi 2011-2015-ci illərdə” Dövlət Proqramının icrasının təmin edilməsi məqsədilə həyata keçirilib.

Tamaşanın premyerası iyunun 21-də Azərbaycan Dövlət Gənc Tamaşaçılar Teatrında keçirilib. Narkomaniya və QİÇS-ə qarşı mübarizə baxımından əhəmiyyətini nəzərə alan Gənclər və İdman Nazirliyi, oktyabrın 25-27-də Şabran, Quba, Qusar, Xaçmaz, Xızı rayonlarında tamaşanı nümayişini təşkil edəcək.