“Azərbaycanda 7 turizm istiqaməti təsdiq olunub, onların sırasında Qərb bölgəsinin özünəməxsus vacibliyi var”.

Bu açıqlamanı jurnalistlərə mədəniyyət və turizm naziri Əbülfəs Qarayev verib. Nazirliyin kollegiya iclasını keçirmək üçün Şəmkirə gələn nazir bildirib ki, Qərb bölgəsinin mövcud şəraiti, potensialı turizmi daha geniş şəkildə inkişaf etdirməyə imkan verir: “Son illər bölgədə yeni, müasir mehmanxanalar tikilir. Mehmanxanalarda təklif olunan xidmətlərin səviyyəsinin artırılması, kadr hazırlığı, turizm sahəsi üçün yeni kadr hazırlığı ilə məşğul olacağıq. Bu məqsədlə yeni tədris ocaqlarının yaradılması da gündəmdədir”.