Azərbaycan Milli Məclisinin sədri Türkiyəyə gedib
30 may, 2012 09:52
Milli Məclisin (MM) sədri Oqtay Əsədovun başçılığı ilə Azərbaycanın parlament nümayəndə heyəti Türkiyənin İstanbul şəhərinə yola düşüb.
Səfərdə məqsəd İstanbulda keçiriləcək BMT Sivilizasiyalar Alyansının Tərəfdaşlar Forumunda iştirak etməkdir. Nümayəndə heyətinin tərkibinə MM aparatının rəhbəri Səfa Mirzəyev və digər rəsmi şəxslər daxildir.
Forumun açılışında Türkiyənin baş naziri Rəcəb Tayyib Ərdoğan və BMT-nin baş katibi Ban Ki Mun çıxış edəcəklər.
Tədbir çərçivəsində keçiriləcək sessiyalarda “Mədəniyyətlər ittifaqı və qlobal siyasət”, “Münaqişələrin qarşısının alınması və vasitəçilik”, “Qlobal sülhə baxış” mövzularında müzakirələr aparılacaq.
Səfər mayın 31-də başa çatacaq.