Avropa Parlamentinin Azərbaycanda insan haqlarının vəziyyəti ilə bağlı qətnamə qəbul etməsi düşünülməmiş, səhv və ədalətsiz qərardır. Bu barədə XİN-in rəsmi nümayəndəsi Elman Abdullayev brifinqdə bildirib.

“Azərbaycandakı vəziyyət diqqətlə öyrənilmədən ölkədə “Eurovision” müsabiqəsinin keçirildiyi dövrdə AP-nin azsaylı deputatlarının belə bir sənədi qəbul etməsi bu institutun imicinə və neytrallığına zərbədir”, - Abdullayev deyib.

Dünən, mayın 24-də Avropa Parlamenti Azərbaycanda insan haqlarının vəziyyəti ilə bağlı qətnamə qəbul edib. Qətnamədə Azərbaycan hökumətinə dinc aksiyaların keçirilməsinə icazə verilməsi çağırışı yer alır.

Qətnamədə, həmçinin “Eurovision-2012” müsabiqəsi iştirakçıları və tamaşaçılarının radikal islamçılar tərəfindən hədələnməsi pislənilir.