Azərbaycanın Balakən rayonunda yanğın hadisəsi qeydə alınıb.

 Fövqəladə Hallar Nazirliyinin (FHN) Balakən Yanğından Mühafizə Hissəsindən verilən məlumata görə, yanğın rayonun Qazbinə kəndinin inzibati ərazisində quru ot və kol-kos sahəsində qeydə alınıb.

 Hadisə yerinə Balakən rayon YMH-nin texnikası və canlı qüvvəsi cəlb edilib. Baş vermiş yanğın nəticəsində ümumilikdə 1,5 hektar sahə yanıb. Yanğından ərazidəki ağaclar mühafizə olunub.

 Faktla bağlı Balakən rayon YMH-də araşdırma aparılır.